Tá Nain in ard-form!

Bíonn na héinne ag fiafraí Nain.

Deirim leo go bhfuil sí go diail ar fad, agus ní haon bhréag é sin.

Sí’n chúis atá leis sin, is dóigh linne, ná ná fuil aon phian ina glúin toisc an aimsir, ach “An seanna cheo san, tá’n ghráin agam air ar mo leabhar”!

Tá sí in ard-ghiúmar ar fad agus is fuirist réiteach le duine mar sin. Bíonn sí éirithe amach ar a 5 agus deireann sí “Ó, dhúisíos ana dhéanach inniu, bhí sé leathuair tar éis a 6”!

“Cím giorria na haon mhaidean anois, soir chun gort Mhoss is timpeall. Dhá mhaidean anois atá sé feicthe agam, bailíonn sé leis soir”.

“Beidh an caipín dubh á chur aige Owen anois ar féin Déardaoin”. Sé Owen mac Mhary, iníon Nain.

“Bhí Rua agam inné tamall. Tá sé bearrtha, clippeáltha. Bíonn sé ana mhuinteartha i gcónaí”.

“Tá mo line briste, era ní mór an socrú atá le déanamh air”.

“Bhíodh tig ar an bhFeothanaigh. Thugtaí oiread aire dos na prátaí is ná feadair éinne. Bhíodh prátaí breátha ar an bhFeothanaigh. Na prátaí atá a’meacht anois tá siad chomh beag, chuirfeá suas i d’chaincín iad, seanna rudaí éigin gan dealramh. Dhúisíos an mhaidin eile is bhí bucket phrátaí fágtha lasmuigh do dhoras aige fear éigin. S’dócha go bé Tommy B a d’fhág agam iad mar bhíos á lorg air!

Ní raibh sí ró-thógtha leis na prátaí beaga a chuireasa isteach ar an SPUD OFF. Criocháin.

Mar a dúrt cheana, téann sí ó scéal go scéal go scéal.

D’fhoghlaimeófá ana chuid ón seanna dhream. Tugann sí rud éigin léi os na haon áit a théann sí, agus bíonn sí féin leis ag súil le rud!! Bhíos sa Ghaillimh le déanaí, ó thuaidh ón nGaillimh – in  áit ná raibh on aon ghaobhar don gcathair agus ars’í liom, “Ó, beir chugam na tights as áit éigin. N’fhéadaim dul an Day Centre gan na tights”. Dúrtsa léi ná beinn in aon siopa agus n’fhéadfadh sí a chreidiúint ná beinn ag dul dtí’s na siopaí.

Pé áit a théim ar laethanta saoire, deir sí, “Sea, an raibh aon siopaithe breátha ann,”? S’dócha go raibh siopaí gann fadó.

Ní thuigeann sí ach an oiread na saghasanna bianna atá ann sa lá atá inniu ann.

“An maith leat an porch egg?” a d’fhiafraigh sí dom an lá eile?

Má bhíonn sé ar an radio nó ar an dteilifís ansan, bíonn sé fíor.

“Inniu Fathers Day a dúirt an radio”, ars’í.

“Dúirt a’radio go mbeidh glasraí ana dhaor i mbliana. Ó is cuma linn, as na glasraí ar fad a dh’ithimid. Chaitheas brocolli amach inné, seanna chop a bhí agam chun dinnéir”!!

“Dún Chíomháin, ní fada go mbeidh lá breas éigin a’ teacht ann a dúirt an radio.

Agus is breá léi í féin a fheiscint ar an bhfacebook nó sa KHERRYMAN! “Ó an bhfeacaís mé féin is Darína, ‘s’a bhaaaaby ar a’ gKerryman”!

Baile na nGall

Sea, tógadh a bpictiúir ag Féile an Phráta i mBaile na nGall is Nain, is package taytos ‘na glaic aici. Ní théann aon lag ag ithe uirthi.

“Ceannó’mé cúpla slaghas turkey ham díbh”. Faic ach stad sa tsiopa. NA HAON LÁ BEO! Cad a dhéanfaidh sí nuair a dhúnfaidh na siopaithe timpeall..

Chuamar go My Boy Blue leis. “Ó b’é sin an rud is deise a dh’itheas riamh”, ars’í tar éis trí phancake mhóra groíthe a ithe le huachtar smeartha anuas orthu!

Chuamar go Benners ag ithe lá agus “Chicking salad sangwidge” a fuair sí.

Tháinig sé amach ar sléit.

“Ó go Saora Dia Sinn, nach gann atá plátaí. SLÉIT??” a bhéic sí. Ní raibh sí sásta leis an mbraon tae ann ach chomh beag.

“Fual a chait, tá sé chomh lag, go Sábhála Dia Sinn”! Bhíos lúbpaithe”

“Mbíonn Radio Kerry go deo agat?”, arsa mise léi lá.

“Ní bhíonn. Bíonn sé aige Caitlín. N’fheadar cail sé ar an radio a dúirt sí.”

An bhean bhocht. “Suas chun ‘ileán éigin a bhíodar inné, Helen Sé.” Bhí an ceart aici, in Inis Oírr.

Chuamar go Tig Áine lá eile.

IMG-20180617-WA0015[1]

“Ó go saora Dia sinn, dhéanfadh seo trí lá mé”, a dúirt sí nuair a tháinig an bia amach agus ar an slí abhaile, dhóigh leat ná raibh Baile an Fheirtéaraigh feicthe aici le blianta.

“Ó, féach hotel Mhikey Granville. Féach tigh Phatty Bowler. BUS TOURS AND IRISH GROUPS VWELCOME. Cheapas féin go rabhas caoch ach cím rudaí”, a dúirt sí agus í ag léamh comhartha éigin.

Ansan thug sí seáp ar an Gym nua, WK Fitness ar an lá oscailte Dé Domhnaigh. Bhí smeacháin bídh is mar sin ann.

“Ó, faigh suíochán do Nain”. Má tá, fé’n dtráth is go rabhas imithe a’triail ar chathaoir di, bhí sí suite ar cheann dos na meaisíní meáchain! “Tá toilití ann, showeranna, na haon rud, áit mhór ghroí”.

20180722_145047[1].jpg

 

“Tabhair i leith rud éigin le n-ól chugam”, a dúirt sí.

“An bhfuil apple juice nó Coke uait?” arsa mise.

“Ní bhlaiseas riamh an Coke”, ars’í, “ná an t-oxtail soup, ná chewing gums ná showder (chowder). Ní mhaith liom iad. Déanfaidh a’ t-apple juice mé”

 

🙂

Advertisements